Marco Picci est nasçu in Carbonia (CI) e bivit e traballat in Adliswil (Svizzera). Est unu pintori de pintura cun ákua pintada («acquarello» in italianu) e stima prus a totu sa ténniga «iperrealista» (meda sìmbili a su veru, a commenti una fotografia), ki est una ténniga umperada prus pagu poita est traballosa e no si podent fai currigiduras mancai pitikeddas; mancumali custu, alabantzat meda sa precisioni, sa luxi e sa cica de is coloris, luxentis e trasluxentis.
Narat Marco: «Apu sempri stimau meda sa pintura realista, a cumentzai de is maistus arrinascimentalis e de su ‘600 (Caravaggio, Artemisia Gentileschi etc.), de su ‘800 (Ingres, W.Turner) e is pintoris e gràfigus de su ‘900 (Pietro Annigoni, Renzo Vespignani) fintzas a is pintoris iperrealistus europeus (Franz Gertsch, Gerhard Richter) e americanus de s’inghitzu de is annos ’70s (Richard Estes, Robert Bechtle, Ralph Goings). De custus urtimus artistas apu pigau ispiradura po is pinturas cun ákua pintada cosa mia, cali est una ténniga un pagu rara po custu stili, poita si costumada umperai po su prusu coloris a ollu o acrílicus. Difatis sa mia personali cica [ … síghi]
